Украина президенти Зеленский 2015 йилда имзоланган Минск келишувларини Россияга берилган имтиёз деб ҳисоблайди.
"Мен ҳеч кимни хафа қилишни хоҳламайман, аммо вазиятни тинчлантириш йўли сифатида кўрилган Минск келишувлари аслида Россияга берилган имтиёз эди. Мен Эммануэл Макрон ва Ангела Меркелга Минск келишувларини амалга ошириб бўлмаслигини айтганман. Аммо мен уларга шундай дедим: фронтдан қайтдим, бу фронтдаги барча қишлоқларда бўлдим. Минск келишувларини амалга ошириб бўлмайди", — дея таъкидлади у.
