Зеленский маҳкамаси: "Путин урушни тўхтатмагунча Украина жавоб қайтаради".

Россия Украинага ҳужум қилишни давом эттирмоқда, шу сабабли Украина қарши зарбалар беради, деб таъкидлади Украина президенти маҳкамаси раҳбари Андрий Ермак.

"Россия президенти Владимир Путин урушни тўхтатмагунча Украина жавоб қайтаришда давом этади," - дея ёзди Украина президенти маҳкамаси раҳбари.

Бундан олдин Украина Ташқи ишлар вазири Андрий Сибига Киев ҳудудларнинг йўқотилишини тан олиш ниятида эмаслигини маълум қилган эди. Шунингдек, унинг сўзларига кўра, ҳеч ким унинг мамлакатига НАТО ёки Европа Иттифоқи каби "у ёки бу иттифоқларда" иштирок этишни тақиқлай олмайди. Киев учун учинчи қизил чизиқ - Украина Қуролли кучлари сонини чеклашдир.