Украина раҳбари Владимир Зеленский Буюк Британияда дронлар ишлаб чиқарадиган йирик завод қуриш режаларини эълон қилди. Бу ҳақда у Sky News телеканалига берган интервьюсида маълум қилди.
Украина президентининг сўзларига кўра, Киев ва Лондон қурол-яроғни биргаликда ишлаб чиқаришни кенгайтиришни муҳокама қилмоқда.
У Украина дрон технологиялари билан бўлишишга, шунингдек, ракеталар ва Европа ҳаво ҳужумидан мудофаа тизимини яратишда ҳамкорлик қилишга тайёрлигини таъкидлади.
Украина президенти, шунингдек, Буюк Британиянинг янги бош вазири Энди Бернем билан телефон орқали мулоқоти ҳақида гапирди. Зеленский қурилишнинг аниқ муддатлари, корхона учун майдон ва инвестициялар ҳажмини очиқламади.
Февраль ойида Буюк Британияда Украинанинг биринчи мудофаа заводи - Ukrspecsystems компаниясининг дронлар ишлаб чиқариш мажмуаси иш бошлади.
Апрель ойида Лондон 2026 йилда Украинага 120 мингдан ортиқ дрон, жумладан, зарба берувчи, разведка, логистика ва денгиз аппаратларини топшириш режаларини эълон қилган эди.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
