Украина президенти Владимир Зеленский БМТ тинчликпарвар миссиясини Украинани ҳимоя қилиш учун потенциал ҳарбий контингентга муқобил деб ҳисоблаш мумкин эмаслигини айтди.
Бу ҳақда у Чехия президенти Петр Павел билан бўлиб ўтган матбуот анжуманида маълум қилди.
"Ҳурмат билан, БМТ бизни ишғолдан ёки Путиннинг яна келиш истагидан ҳимоя қилмайди. Биз БМТни контингент ёки хавфсизлик кафолатларига муқобил сифатида кўрмаяпмиз", - деди Украина раҳбари.
Унинг қўшимча қилишича, Украина БМТ билан мулоқотни давом эттиради, аммо тинчликпарварлик миссиясига агрессияни тийишнинг самарали воситаси сифатида ишонмайди. Зеленский шунингдек, Москва аллақачон барча халқаро нормаларни бузганини ва унинг раҳбарияти БМТ қарорларидан қўрқмаслигини таъкидлади.
Аввалроқ Франция президенти Эммануэль Макрон Европа қўшинларини Украинага юборишга муқобил сифатида БМТ тинчликпарвар миссиясини ташкил этиш имкониятини кўриб чиқаётгани хабар қилинганди.
"Турк йигитлари руслардан аёлларини тортиб олмоқда"
Қон тўкишдан завқланадиган шахс яна вазир этиб тайинланди
"Манчестер Сити" ўзининг инстаграмдаги саҳифасида ЎФАга кескин мурожаат йўллади
