“ЖАР” стадионида жанжаллашган санъаткор ва блогерлар жазоланди.
Тошкентдаги “ЖАР” стадионида санъаткорлар ва блогерлар ўртасида ўтказилган LikeCup футбол мусобақаси чоғида жамоат тартибини бузган иштирокчиларга суд томонидан чора кўрилди.
Блогерлар ва санъаткорлар ўртасида содир бўлган оммавий жанжал юзасидан лойиҳа ташкилотчилари ҳамда саҳналаштирувчилар ва иштирокчиларга нисбатан маъмурий баённомалар расмийлаштирилди. Тўпланган материаллар асосида туман судига мурожаат қилинди.
Суд томонидан 6 нафар ҳуқуқбузарга жазо тайинланди: отарчи ва вайнерларнинг 4 тасига БҲМ 10 баравари, биттасига 12 баравари миқдорида жарима қўлланилди.
Олтинчи ҳуқуқбузарга нисбатан эса 10 сутка қамоқ жазоси берилди.
Ҳуқуқбузарлар орасида машҳур актёр, блогер ва сўз усталари ҳам борлиги маълум қилинди.
