Зеленский Бахнинг ғоясини танқид қилди

Украина президенти Владимир Зеленский Халқаро олимпия қўмитаси (ХОҚ) раҳбари Томас Бахнинг россиялик спортчиларнинг 2024 йилда Парижда бўлиб ўтадиган Олимпиада ўйинларида нейтрал байроқ остида иштирок этишини истисно этмаган баёнотига муносабат билдирди. «Шубҳасиз, россиялик спортчиларнинг ҳар қандай нейтрал байроғи қонга бўялган», деди Зеленский 27 январь, жума куни ватандошларига анъанавий кечки видеомурожаатида.

Украина раҳбари Бахни Бахмутга, шундай уруш кетаётганда «бетарафлик йўқлигини ўз кўзи билан кўриш» учун таклиф қилди. «Мен жаноб Бахнинг бундай ташаббусни илгари суришига айнан нима сабаб бўлганини тушунишни истамайман. Лекин биз дунё спортни террорчи давлатнинг сиёсий ва бошқа ҳар қандай таъсиридан ҳимоя қилиши учун ҳамма нарсани қиламиз, бу муқаррар. Агар - россиялик спортчилар мусобақаларда ва ҳатто Париж Олимпиадасида иштирок этса», - дея таъкидлади Украина президенти.

Зеленский, шунингдек, «ҳалоллик марафони» бошланганини эълон қилди, унинг мақсади, президент сўзларига кўра, «халқаро олимпия тузилмалари раҳбариятини иккиюзламачиликдан ва Россия вакилларини жаҳон спортига жалб қилишга қаратилган ҳар қандай уринишлардан тозалаш».

Икки кун аввал, 25 январь куни ХОҚ россиялик ва беларуслик спортчиларга «қаттиқ шартлар»га риоя қилган ҳолда мусобақаларда қатнашиш имкониятини ўрганишини маълум қилганди.

2022 йил декабрь ойида Томас Бах Украинадаги Россия уруши давом этса ҳам, россиялик ва беларуслик спортчиларга Париж Олимпиадасида қатнашиш имкониятини бермоқчи эканлигини айтди. Кейинчалик АҚШ Миллий олимпия ва паралимпия қўмитаси раҳбари Сюзанна Лайонс Бахнинг Россия ва Беларусдан спортчиларни 2024 йилги Олимпиада ўйинларига таклиф қилиш ғоясини қўллаб-қувватлади, аммо улар ўз давлатларининг байроқлари ва рангларидан фойдаланмаслиги, шунингдек, мадҳияни куйламаслиги керак.