Арман аскарлари пул учун бир-бирларини ўлдирди

24 сентябрь куни Арманистоннинг Сисиан шаҳрида яна бир ҳарбий хизматчи ҳалок бўлди.

Бу ҳақда "Грапарак" газетаси хабар бермоқда.

Дастлабки маълумотларга кўра, ҳарбий хизматчилар ўртасида жанжал келиб чиққан, ундан кейин граната портлаган.

Марҳум шартнома асосидаги аскар бўлиб, 2022 йилдан бери хизмат қилиб келаётган эди.

Газета хабарига кўра, ҳарбий хизматчилар ўртасидаги можаро молиявий масалалар туфайли юзага келган. Армиядаги манбанинг таъкидлашича, воқеадан сўнг барча ҳарбий хизматчилар, истисносиз, кредит мажбуриятларининг мавжудлиги ва миқдори ҳақида маълумот беришлари шарт бўлган.

Молиявий муаммолар, афтидан, бундай фожиаларнинг сабабларидан бири бўлиши мумкин. Бироқ, кредитлар ҳақида маълумот бериш талаби ҳарбий хизматчилар орасида норозиликка сабаб бўлган. Уларнинг фикрича, Мудофаа вазирлиги уларнинг шахсий ҳаётига аралашишга ва молиявий махфийликка оид маълумотларни талаб қилишга ҳақли эмас.