Польшада Қизил армия хотирасига ўрнатилган ҳайкал бузилмоқда

Жешув шаҳрида 75 йилдан бери турган "Қизил армияга миннатдорлик" ёдгорлигини демонтаж қилиш ишлари бошланган.

Бу ҳақда Россиянинг Варшавадаги элчихонаси хабар берди. Элчихона маҳаллий ҳокимият уни яна бир бор ўз қарори ҳақида хабардор қилмаганини таъкидлади.

Россиянинг Польшадаги элчихонаси маҳаллий ҳокимиятга норозилик билдириб, Жешув учун жангларда 2200 дан ортиқ совет аскари ҳалок бўлганини эслатди.

Улуғ Ватан урушида Польшани озод қилиш учун жами 600 минг Қизил армия аскарлари қурбон бўлган.