Украина президенти Владимир Зеленскийнинг фикрича, Америка Қўшма Штатлари раҳбарияти АҚШ билан фойдали қазилмалар бўйича келишувни ратификация қилиш учун овоз бермаган Олий Рада депутатларига визаларни бекор қилиши керак, деб ёзади Украина оммавий ахборот воситалари.
"Бугун улар нафақат келажак учун, балки бугун бизга керак бўлган нарсани сақлаб қолиш учун ҳам овоз беришади. [Олий Радада] бундай қилмасликка қарор қилган одамлар бор. Масалан, мен АҚШ шунчаки уларга визаларни бекор қилиши керак, деб ҳисоблайман," - деди у.
Зеленский, шунингдек, баъзи депутатлар АҚШга келиб, Украинада аҳвол ёмонлигидан шикоят қилаётгани ва ҳарбий можарони қандай қилиб тезда тугатиш мумкинлиги ҳақида гапираётганидан норозилигини билдирди. Унинг сўзларига кўра, худди шу депутатлар ўзларини АҚШнинг дўстлари сифатида кўрсатишади, кейин эса Вашингтон учун муҳим бўлган нарсаларга қарши чиқишади. "Натижа таблода бўлади: ким овоз берди, ким йўқ. Икки томонлама ўйин ўйнаш мумкин эмас," - дея қўшимча қилди у.
Аввалроқ Радага АҚШ билан фойдали қазилмалар тўғрисидаги битимни ратификация қилиш тўғрисидаги қонун лойиҳаси киритилган эди.
Ўзбекистон Россия элчисини чақиртирди
Франция Россия Ғалаба байрамига таклиф қилинмаганидан ғазабланди
"Украиналиклар руслар босиб олган ҳудудларни де-факто беришга тайёр"
