Захарова: АҚШнинг ҳаракатлари Яқин Шарқни боши берк кўчага олиб келди

Захарова: АҚШнинг ҳаракатлари ўн минглаб одамларнинг ўлимига ва Яқин Шарқда боши берк кўчага олиб келди.

Россия Ташқи ишлар вазирлиги матбуот котиби Мария Захарованинг айтишича, Яқин Шарқдаги вазият АҚШнинг инқирозларни ҳал қила олмаслигидан далолат беради.

Эроннинг Исроилга ракета ҳужумидан сўнг ижтимоий тармоқдаги саҳифасида эълон қилган баёнотида Захарова минтақадаги вазиятни «АҚШ президенти Жо Байден маъмуриятининг тўлиқ муваффақиятсизлиги» деб атади.

✍️ Захарова қонли драма тобора кучайиб бораётганини таъкидлади.

“Оқ уйнинг ноаниқ баёнотлари унинг инқирозни ҳал қилишга тўлиқ қодир эмаслигини кўрсатади. [АҚШ Давлат котиби] Блинкеннинг саъй-ҳаракатлари ўн минглаб одамларнинг ўлимига ва боши берк кўчага олиб келди", деб ёзади Захарова.