Бу ҳақда Британиялик журналистка Кэти Ливингстон Залужний жамоасидаги манбасига таяниб хабар берди. Унинг маълумотига кўра, Украина Қуролли кучларининг собиқ бош қўмондони, ҳозирда esa Лондонда элчи сифатида фаолият юритувчи Валерий Залужний президентлик сайловларига тайёрланмоқда.
Ҳозирча бу ҳақда расмий баёнот ёки сайловолди кампаниясининг бошланиши ҳақида эълон берилмаган, аммо Украина президенти Владимир Зеленский яқинда берган баёнотида, уруш ҳолати тугаши билан сайловлар ўтказилиши мумкинлигини тасдиқлаган.
Залужнийнинг сайлов штабини генерал-лейтенант Сергей Наев бошқаряпти, деб хабар қилади Ливингстон. Унга ёрдамчи сифатида Украина парламенти депутати, “Европейская Солидарность” партияси вакили Виктория Сюмар фаолият олиб бормоқда.
Медиа кампания учун собиқ BBC-Ukraine журналисти Оксана Тороп жавобгар этиб тайинланган.
Халқаро стратегия бўйича ишларга эса — Фейкларга қарши кураш марказининг собиқ раҳбари, ҳозирда НАБУ (Коррупцияга қарши миллий бюро)да директор ўринбосари лавозимида ишлаётган Полина Лисенко масъул.
Залужнийнинг ўзи ҳозирча ўз сиёсий режалари ҳақида очиқча гапиришдан тийилаётгани қайд этилган. Украинадаги сўровномаларга кўра, у Зеленскийга нисбатан жиддий рақобатчи сифатида кўрилаётган ва ғалаба қозониш имконияти юқори деб баҳоланмоқда.
Қишлоқ хўжалиги вазири қўлга олинди
Афғонистон дунё давлатларига мурожаат қилди
Тиббиёт ходимларига «чой пули» тўлашни қонунийлаштириш таклиф этилди
