Машҳур германиялик мутахассис Юрген Клопп «қаймоқранглилар» бош мураббийи лавозимидан Хаби Алонсонинг истеъфога чиқарилиши фонида «Реал» клубидаги вазият ҳақида ўз фикрини билдирди. Мутахассис жамоа Испания Суперкубоги финалида «Барселона»га 2:3 ҳисобида мағлуб бўлганидан кейинги куни ишдан олинган эди.
«Агар Леверкузенда икки йилдан ортиқ вақт давомида ўзининг юксак мураббийлик маҳоратини намойиш этган Хаби Алонсо “Реал Мадрид"ни бор-йўғи олти ой ичида тарк этишга мажбур бўлса, бу клубда ҳаммаси жойида эмаслигини кўрсатади», — дея Клоппнинг сўзларини Spox нашри келтирди.
Хаби Алонсо «Реал»ни 2025 йил ёзидан бери бошқариб келаётган эди. Унгача у «Байер»да фаолият олиб борган. «Қаймоқранглилар»нинг янги бош мураббийи этиб мадридликларнинг яна бир собиқ футболчиси Альваро Арбелоа тайинланди. Шунингдек, аввалроқ Клопп мадридликлар бош мураббийи лавозимига номзодлардан бири сифатида тилга олинган эди.
Ҳусанов қўрқинчли ҳисоб қайд этилган баҳсда неча баллга лойиқ кўрилди?
Карим Бензема «Реал» таклифини қабул қилди
“Манчестер Сити” Ҳусанов ўйнайдиган қанотга янги ҳимоячи топди
