ЮНРВА: Исроил Ғазо шимолига гуманитар ёрдам етказиш ҳақидаги барча сўровларимизни рад этди

Исроил Ғазо секторида босқинчилик ва қирғинбарот урушини бошлаганига 406 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Хон Юнис, Дайр ал-Балаҳ, Байт-Лахия, Нусейрат ва Жабалия лагерларига катта ҳужумлар уюштирди. Уруш бошланганидан буён 43 736 киши шаҳид бўлди, 103 370 киши жароҳатланди.

▪️ЮНРВА: Исроил Ғазо шимолига гуманитар ёрдам етказиш ҳақидаги барча сўровларимизни рад этди. Анклавнинг бу қисмидаги шифохоналар вайрон қилинган, бутун шимолда фақат 1 нафар жарроҳ қолган.

▪️Ливанда ишғолчиларнинг ҳужумлари натижасида 24 соат ичида 40 киши ҳалок бўлди, улардан 12 нафари фуқаро муҳофазаси қутқарувчилари. Босқинчилар Баалбек шаҳри яқинидаги Фуқаролик мудофааси марказига тўғридан-тўғри зарба берди.

▪️ "Ҳизбуллоҳ" Акко шаҳри шимолидаги Шрага базасига, Тел-Авивдаги Тел Хаим разведка базасига, Ҳайфадаги Элиаким базасига ракета ҳужуми уюштирди ва Тоҳир Ҳарфа шаҳрида босқинчилар гуруҳини йўқ қилди.

▪️Сурия Мудофаа вазирлиги: Исроилнинг Дамашқ ва Қудсая шаҳридаги турар-жой биноларига уюштирган ҳужуми натижасида 15 киши ҳалок бўлди, 16 киши яраланди, жумладан аёллар ва болалар.

▪️ Парижда Франция ва Исроил терма жамоалари ўртасидаги футбол ўйини вақтида тартибсизликлар бошланди. Амстердамда шарманда бўлиб мағлуб бўлган ўша «Маккаби» жамоаси энди Парижда ҳам ютқазди. Француз мухлислари ўйинга умуман қизиқиш билдирмади.

▪️Исроил хавфсизлик кучлари янги яҳудий аҳоли пункти қуриш учун ерларни бўшатиш мақсадида ан-Накб чўлидаги араб-бадавийлар яшайдиган Умм ал-Ҳирон аҳоли пунктидаги охирги бино - масжидни бузиб ташлади.