Ёш юнон-рум курашчиларимиз Осиё чемпионати умумжамоа ҳисобида биринчи бўлди

Вьетнамда спорт курашлари бўйича U17 ёш тоифасидаги Осиё чемпионати баҳслари давом этмоқда.

Қайд этилишича, ортда қолган юнон-рум ва қизлар кураши бўйича бир қатор вазн тоифаларида ғолиблар аниқланди. Унда ҳамюртларимиз 3 та олтин, 1 тадан кумуш ва бронза медалларига эга чиқишди.

Олтин медаль:

• -71 кг: Беҳрузбек Валиев
• -80 кг: Абдулазиз Холмирзаев
• -40 кг: Шоҳиста Шоназарова

Кумуш медаль:

• -46 кг: Машҳура Абдумусаева

Бронза медаль:

• -65 кг: Ҳусан Ғиёсиддинов

Аҳамиятлиси, мусобақада 3 та олтин, 2 та кумуш ва 5 та бронза медалларини жамғарган “классик“ курашчиларимиз умумжамоа ҳисобида биринчи бўлишди.