Яқин кунларда Украинага ўзини ҳимоя қилишга ёрдам бериш учун рекорд даражадаги қурол оқими юборилади

14 июл куни Трампнинг баёнотини кутинг, яқин кунларда Украинага ўзини ҳимоя қилишга ёрдам бериш учун рекорд даражадаги қурол оқимини кўрамиз — америкалик сенатор Линдси Грэм.

Республикачилар партияси аъзоси бўлган сенатор бу ҳақда CBS News'га берган интервюсида маълум қилди.

Линдси Грэмнинг бошқа баёнотлари:

◾️ Янгиликлардан Россия активлари мусодара қилингани ҳақидаги хабарларни кузатинг;

◾️ АҚШ Европага улкан ҳажмдаги қурол сотишни бошлайди, бу Украинага ҳам фойда келтириши мумкин;

◾️ Путин Ғарб, айниқса АҚШ ва Европа ҳолдан тояди деб ўйлаган эди. Бу — унинг энг катта хатоларидан бири;

◾️ Конгресс АҚШ тарихидаги энг катта санкциялар пакетини қабул қилиш арафасида турибди;

◾️ Хитой, Ҳиндистон ва Бразилияга огоҳлантириш: агар Путинга ёрдам беришда давом этсангиз, жиддий зарар кўрасиз;

◾️ Путиннинг энг катта хатоларидан бири бу унинг Трамп билан ўйин ўйнашга уринишидир;

◾️ Яқин кунлар ва ҳафталарда Путинни музокаралар столига ўтказишга қаратилган катта ҳаракатлар амалга оширилади;

◾️ Президент Трамп бир неча ой давомида Путинни тинчлик музокараларига ундашга уринди, энди бу эшик ёпилади;

◾️ Биз Путиннинг бизнесини қўллаб-қувватлаётганларни таъқиб қиламиз ва Россиянинг ўзига нисбатан ҳам қўшимча санкциялар жорий қиламиз. Бу урушни тўхтатиш учун президент Трампнинг қўлидаги ҳақиқий “болға” бўлади;

◾️ Конгресс кўриб чиқаётган санкциялар тўғрисидаги қонун лойиҳалари пакети Трампга Россияга ёрдам бераётган ҳар қандай давлатга 500 фоизлик божлар жорий этиш имконини беради;

◾️ Путин улкан хатога йўл қўйди. NATO тарихда ҳеч қачон бугунгидек катта ва қудратли бўлмаган, биз ҳеч қачон Украинани куч билан босиб олишга йўл қўймаймиз.