Японияда ноҳақ 39 йил қамоқхонада ўтирган "маҳбус" оқланди

39 йил аввал мактаб ўқувчисини ўлдирганликда айбланиб, қамоқ жазосини ўтаётган япониялик Сёдзи Маэкава янги терговдан сўнг оқланди.

Бу ҳақда NHK телеканали маълум қилди.

"39 йил аввал Фукуи шаҳридаги ўрта мактаб ўқувчисини ўлдирганликда айбланиб, қамоқ жазосига ҳукм қилинган 60 ёшли эркак Нагоя Олий суди Каназава бўлими томонидан оқланди", — дейилади телеканал хабарида.

Судни қайта кўриб чиқиш чоғида қотиллик кечаси Маэкавани қонли кийимда кўрганини айтган гувоҳларнинг кўрсатмалари сўроқ қилинди. Бундан ташқари, гувоҳларнинг кўрсатмаларида тергов аввалроқ кўз юмган янги фактик номувофиқликлар аниқланди.

Қайд этилишича, якуний ҳукмни чиқарган судья Маэекавадан 39 йил давомида кўрган азоб-уқубатлари учун узр сўраган, Маэкаванинг ўзи эса матбуот анжуманида ўзининг айбсизлигини исботлай олгани учун ўзини енгил ҳис қилганини айтган.

NHKнинг таъкидлашича, Маэкава суд биносига бошқа бир япониялик собиқ маҳкум Ивао Хакаматанинг синглиси совға қилган шляпа кийиб олган, у 2025 йилда оқланганидан кейин озодликка чиққунга қадар ярим асрни ўлим жазосида ўтказган.