Япония Тайван бўйича баёнотлари билан “қизил чизиқ”дан ўтди– Хитой Ташқи ишлар вазири

"Япониянинг ҳозирги раҳбарлари Тайван масаласига ҳарбий аралашувга уриниш ҳақидаги нотўғри сигнални очиқчасига юборгани, айтмаслиги керак бўлган гапларни айтгани ва тегилмаслиги лозим бўлган “қизил чизиқ”дан ўтгани ҳайратланарли. Хитой “қатъий жавоб бериши” керак, барча давлатлар эса япон милитаризмининг қайта тикланишига йўл қўймаслик учун масъул", — дея таъкидлади Ван И.

Япония бош вазири Санаэ Такаичи 7 ноябр куни" Хитойнинг Тайван атрофида денгиз блокадаси ёки бошқа ҳаракатлари Япония томонидан ҳарбий жавоб учун асос бўлиши мумкинлиги"ни айтган эди.