Токио "ҳудудий масалани ҳал қилиш" ва Россия билан тинчлик шартномасини имзолашга қаратилган сиёсатини давом эттиради. Бу ҳақда Япония бош вазири Санаэ Такаити маълум қилди, дея хабар беради ТАСС.
"Биз ҳудудий масалани ҳал қилиш ва тинчлик шартномасини тузишга қаратилган ҳукумат сиёсатини давом эттирамиз", — деди у парламентдаги нутқи чоғида.
Такаитининг таъкидлашича, Японияда "шимолий ҳудудлар" деб аталадиган Жанубий Курил ороллари Токио нуқтаи назаридан "тарихий жиҳатдан ҳам, халқаро ҳуқуқ нуқтаи назаридан ҳам" Япония ҳудуди ҳисобланади.
Москва ва Токио XX аср ўрталаридан буён Иккинчи жаҳон уруши якунлари бўйича тинчлик шартномасини тузиш юзасидан музокаралар олиб бориб келган. Асосий тўсиқ Курил оролларининг жанубий қисмига эгалик масаласидаги келишмовчилик бўлиб қолмоқда.
Урушдан кейин бутун архипелаг Совет Иттифоқи таркибига киритилган. Япония Итуруп, Кунашир, Шикотан ҳамда бир гуруҳ кичик ва аҳоли яшамайдиган оролларга эгалик масаласини баҳслашиб келади.
Россия Ташқи ишлар вазирлиги ушбу ҳудудлар устидан Россия суверенитети халқаро-ҳуқуқий жиҳатдан расмийлаштирилгани ва шубҳа остига қўйилмаслигини бир неча бор таъкидлаган. Такаитининг янги баёноти юзасидан Россия томонидан ҳозирча изоҳ берилмаган.
Нега айнан Эркинжон Турдимов? Бу қарор ортида қандай омиллар турибди?
Германия Россия билан дизель ёқилғиси етказиб бериш бўйича келишув тузишни таклиф қилди
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
