Ижтимоий тармоқларда Тошкент вилоятининг Янгийўл туманида болаларнинг хотира бюстига нисбатан ғайриижтимоий ҳаракатлар қилгани акс этган видео тарқалди. Ҳолат юзасидан вилоят ИИББ расмий муносабат билдирди.
Жорий йилнинг 28 май куни Янгийўл туманида 27-мактабнинг 3 нафар 6-синф ўқувчилари туман марказида жойлашган “Иккинчи жаҳон уруши қатнашчилари хотираси”га ўрнатилган бюстлардан бирини уриб, ноўрин ҳаракатлар қилган. Сўнг ушбу ҳолат видеосини Инстаграм ижтимоий тармоғига жойлаштирганлар. Видео интернет фойдаланувчилари орасида кўплаб эътироз ва муҳокамаларга сабаб бўлди.
Туман ИИБ ходимлари томонидан ўқувчилар, уларнинг ота-онаси, мактаб ва маҳалла масъуллари иштирокида профилактик суҳбат ўтказилди. Унда ўқувчиларга нафақат Янгийўл тумани, балки вилоят фахри бўлган бундай шахслар хотирасига ҳурматсизлик қилиш ҳам нотўғри эканлиги тушунтирилди.
Ушбу ҳолатда шахслар вояга етмаганлиги инобатга олиниб, Ўзбекистон Республикаси МЖтКнинг 47-моддаси 1-қисмига асосан уларнинг ота-оналарига нисбатан маъмурий чора кўрилди.
Тожикистонда баҳорги муддатли ҳарбий хизматга чақирув режаси 70 фоизга бажарилди
Америкалик таниқли боксчи Баҳодир Жалолов ҳақида фикр бирдирди
Россия яна бир ҳарбий можарода иштирок этиши мумкин
