Ямандаги хавфсизлик хизматларининг агентликка маълум қилишича, эфиопиялик мигрантларни олиб кетаётган қайиқ Адан кўрфазида чўкиб кетиши натижасида камида 76 киши ҳалок бўлган, яна ўнлаб одамлар бедарак йўқолган деб ҳисобланмоқда.
БМТ маълумотларига кўра, қайиқда жами 157 киши бўлган. Улардан атиги 12 нафари қутқарилган.
"Бедарак йўқолганларнинг тақдири ҳали ҳам номаълум", — дея таъкидлади Халқаро миграция ташкилотининг (ХМТ) Яман бўйича миссияси раҳбари Абдусаттор Эсоев АFP агентлигига берган баёнотида.
Африкалик муҳожирлар Жибути ва Эритреядан денгиз орқали Яманга, у ердан Саудия Арабистони ва бошқа Форс кўрфази мамлакатларига иш топиш учун боришга ҳаракат қилди. ХМТ маълумотларига кўра, 2024 йилда бу йўлни 60 мингдан ортиқ киши босиб ўтган. Ўтган йили ХМТ Қизил денгизда камида 558 та ўлимни қайд этган, улардан 462 таси қайиқ ҳалокатлари натижасида содир бўлган.
Келаётган ҳафта Ўзбекистонда совуқ ҳаво кутилмоқда
Муҳаммад Салоҳ жазоланадиган бўлди
Мигрантлардан норози бўлаётган экспертларга қўлига супурги олишни маслаҳат бераман — Собянин
