Испаниянинг Ахондроплазия ва бошқа суяк дисплазиялари билан оғриган одамлар ассоциацияси ўзининг ижтимоий тармоқлардаги саҳифаларида "Барселона" футболчиси Ламин Ямални 18 ёшга тўлган туғилган кунида ўзини кўриш учун митти одамларни ёллаганликда айблади.
"Ташкилотимиз Ламин Ямалнинг зиёфатида ўйин-кулги сифатида митти одамларнинг ишга ёлланишини қоралайди. Биз ҳам қонуний, ҳам ижтимоий чоралар кўрамиз", — дейилади баёнотда.
Ямал 13 июль куни 18 ёшга тўлди. Унинг туғилган кунида интернет юлдузлари, таниқли шахслар, мусиқачилар ва футболчилар иштирок этишди. 9 июнь куни Ямал Transfermarkt порталига кўра дунёнинг энг қиммат футболчисига айланди, унинг қиймати 200 миллион еврога баҳоланмоқда.
Ямал - "Барселона" тарбияланувчиси. 2024/25 йилги мавсумда у "Барселона" сафида Ла Лигада 35 та ўйин ўтказиб, 9 та гол урди ва 13 та голли узатмани амалга оширди, жамоа билан чемпионлик ва Испания кубогини қўлга киритди. 2024 йилда футболчи Испания терма жамоаси билан Европа чемпиони бўлган.
ЖЧ-2026 «тарихдаги энг ифлос мусобақа» бўлиши мумкин
Қозоғистонда 1 миллионга яқин сайғоқни отишга қарор қилишди
Дилшод Тўрахўжаев иши: Россия Ўзбекистонга нота йўллади
