Ядро келишуви муҳокамада: Эрон ва АҚШ ўртасида қандай ютуқлар қайд этилди?

Эрон атом энергияси ташкилоти раҳбари Муҳаммад Эсломий АҚШ вакиллари билан мамлакат ядро дастури бўйича музокараларда эришилган ютуқлар ҳақида маълум қилди.

"Эрон атом энергияси ташкилоти (AEOI) раҳбари Қўшма Штатлар билан билвосита музокаралар давомида маълум ютуқларга эришилганини айтди, бироқ музокаралардаги нореал талабларни рад этди," - дейилади IRNA давлат агентлиги хабарида.

Хусусан, Эсломий Ғарбнинг Теҳронга уранни бойитишдан воз кечиш талабларини қатъиян рад этиб, уларни "ҳукмронлик қилишга уриниш" деб атади.