Хорижлик талабалар ўртасида ўзбек тили бўйича республика олимпиадаси ўтказилади

Ҳар йили октябрь ойида олий таълим, фан ва инновациялар вазирлиги мамлакатимиздаги олий таълим муассасаларида таҳсил олаётган чет эллик талабалар ўртасида ўзбек тили бўйича республика олимпиадасини ташкил қилади.

Бу борада Президентнинг «Давлат тилини янада ривожлантиришга оид қўшимча чора-тадбирлар тўғрисида»ги қарорида белгилаб қўйилди.

Давлат тилининг софлигини сақлаш, уни бойитиб бориш ҳамда илм-фан тили сифатида нуфузини ошириш мақсадида амалиётга татбиқ этилаётган мазкур чора-тадбирлар қаторида, шунингдек, ҳар йили октябрь ойида «Ўзбек тили – қалбим таржимони» кўрик-танловини ўтказиб бориш ҳам назарда тутилади.