Хоразмда транспорт бошқармаси мутахассиси 80 минг доллар пора олаётганида ушланди

Хоразм вилояти Транспорт бошқармасининг бош мутахассиси 135 минг долларга Урганч шаҳридаги 960 метр квадрат бўш ер майдонини кадастр идоралари орқали расмийлаштириб беришни ваъда қилиб, фуқародан 80 минг долларини олган вақтда Давлат хавфсизлиги хизмати томонидан қўлга олинган.

Қайд этилишича, гумонланувчи эркак аслида бошқа шахсга тегишли бўлган жойни кўп қаватли турар жой қурилиши учун расмийлаштирмоқчи бўлган.

Гумонланувчига нисбатан Жиноят кодексининг 168-моддаси 4-қисми «а» банди (жуда кўп миқдорда фирибгарлик) ва 211-моддаси 3-қисми «а» банди (жуда кўп миқдорда пора бериш) бўйича жиноят иши қўзғатилган. Тергов ҳаракатлари олиб борилмоқда.

шунингдек, ҳуқуқ-тартибот идоралари томонидан Фарғона вилоятида ўтказилган тезкор тадбирда эса Агросаноат мажмуи устидан назорат қилиш инспекциясининг Ёзёвон тумани бўлими бош мутахассиси хизмат мавқеидан фойдаланиб, “Шаффоф қурилиш” миллий ахборот тизимида пудратчи корхонанинг рейтинг балларини кўтариш ҳамда тендерга тақдим қилиш мақсадида, ҳақиқатда мавжуд бўлмаган қурилиш техникаларининг техник паспорти ва ёрлиқларини тайёрлаб бериш эвазига 8700 АҚШ доллари олган вақтида ашёвий далиллар билан ушланди.

Ҳозирда унга нисбатан Жиноят Кодексининг 25,168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.