Хоразмда экилган каннабиснинг фойдали томонлари айтилди

Техник каннабисдан пахтага нисбатан 4 баробар кўп целлюлоз олинади. Бу ҳақда Қишлоқ хўжалиги матбуот котиби Нигора Хўжаева АОКАда бўлиб ўтган брифингда маълум қилди.

— Каннабис энг тез ўсувчи экинлардан бири бўлиб, пахта билан солиштирганда, 1 гектардан 4 баробар кўп целлюлоз олинади;

— ўсимликка қишлоқ хўжалиги кимёвий препаратлари нисбатан камроқ ишлатилади;

— сувни анча кам талаб қилади, атроф-муҳитни ифлосланишлардан тозалаш имконини беради;

— айланмадан чиқиб қолган ерларни тиклаш учун тупроқдан қадимий ва бошқа заҳарли моддаларни чиқариб олишда фойдали;

— 110 кун ичида ўсимлик 2-3 метрга етади ва бу бир мавсумда бир нечта ҳосил олиш имконини беради;

— жаҳонда 40 дан ортиқ давлатда техник каннабисдан саноат мақсадларида фойдаланиб келинмоқда.

Техник каннабис таркибида 0,2 фоизгача миқдорда тетрагидроканнабинол гиёҳвандлик моддаси мавжуд;

— Ховос туманида экилган нав Франциядан келтирилган бўлиб, унинг таркибида гиёҳванд жуда кам миқдорни ташкил этади. Бу эса тирик организмга ҳеч қандай наркотик таъсир кўрсатмайди.