Хоманаийнинг ворисини 88 нафар руҳонийдан иборат Экспертлар Ассамблеяси танлайди

Хоманаий вафотидан кейин унинг ворисини 88 нафар руҳонийдан иборат Экспертлар Ассамблеяси танлаши керак.

CNN хабарига кўра, ҳозирча расмий ворис эълон қилинмаган.

Эҳтимолий номзодлар орасида қуйидагилар тилга олинмоқда:

🟦 Мужтаба Хоманаий — Хоманаийнинг ўғли, Ислом инқилоби қўриқчилари корпуси (КСИР) билан алоқалари ва таъсири бор. Бироқ у юқори даражали оятуллоҳ эмас, шунингдек ҳокимиятнинг «мерос» тариқасида ўтиши баҳсларга сабаб бўлмоқда;

🟦 Алиреза Арафи — Экспертлар Ассамблеяси раиси ўринбосари, диний истеблишмент вакили, аммо сиёсий жиҳатдан кучли фигура ҳисобланмайди;

🟦 Муҳаммад Меҳди Мирбагерий — қатъий консерватив руҳоний, кескин антиғарбий позицияси билан танилган;

🟦 Ҳасан Хомейний — Ислом Республикаси асосчиси Руҳуллоҳ Хомейнийнинг набираси, рамзий легитимликка эга, аммо куч ишлатар тузилмаларга таъсири чекланган;

🟦 Ҳошим Ҳусайний Бушеҳрий — Экспертлар Ассамблеяси раисининг биринчи ўринбосари, тизимга яқин, лекин кенг жамоатчилик қўллаб-қувватловига эга эмас.

Шунингдек, IRNA агентлиги маълум қилишича, Эрон Президенти, суд ҳокимияти раҳбари ҳамда Конституцияни ҳимоя қилиш кенгаши аъзоси Али Хоманаий вафотидан сўнг мамлакатни вақтинча бошқаради.