"Манчестер Сити" ҳужумчиси Эрлинг Холанднинг отаси бўлган собиқ футболчи Алф-Инге Холанд сўнгги ойларда ўғлининг Испания чемпионати гигантларидан бири "Реал Мадрид" ёки "Барселона"га трансфери устида ишламоқда. Бу ҳақда Sport.es хабар бермоқда.
Манбага кўра, айни дамда Холанднинг отаси "Реал" билан янада ишончли муносабатлар ўрнатган. Хусусан, унга жорий мавсум якунида Килиан Мбаппе жамоани кучайтириши ҳақида шу йил бошида маълум қилинганди. Бироқ, таъкидланишича, "Барселона" билан алоқалар ҳамон сақланиб қолган.
Эрлинг Холанднинг ўзи ҳам келажакда фаолиятини Испанияда давом эттириш истагини билдирмоқда.
