Хитойда 200 нафар россиялик ҳарбий хизматчи тайёргарликдан ўтган

Хитойда 200 нафар россиялик ҳарбий хизматчи тайёргарликдан ўтган бўлиб, уларнинг бир қисми Украинадаги урушда қатнашмоқда — Reuters.

Агентликнинг учта Европа разведка хизмати маълумотлари ва тегишли ҳужжатларга таяниб хабар беришича, асосан дронларни қўллаш билан боғлиқ бўлган ушбу машғулотлар Россия ва Хитой ўртасида 2025 йил июл ойида тузилган икки томонлама келишув асосида бир нечта ҳарбий базаларда бўлиб ўтган.

Шунингдек, мазкур шартнома Россияда юзлаб хитойлик ҳарбийларнинг тайёргарликдан ўтишини ҳам назарда тутади.