Хитой Янги йил байрамида роботлар саҳнада рақсга тушди

Хитойнинг CCTV телеканали томонидан ташкил этилган янги йил кечасида роботларнинг катта гуруҳи рақсга тушди.

CCTV маълумотларига кўра, ушбу робот рақс спектаклининг номи “ВОТ”. Кўргазмага қўйилган роботлар “тўлиқ Хитойда ишлаб чиқарилган” ва мамлакат технология компаниялари томонидан ишлаб чиқилган “энг илғор сунъий интеллект дастурлари” билан жиҳозланган.

Рақс намойишида иштирок этаётган робот Хитойнинг «Юшу технология» компанияси томонидан ишлаб чиқарилган бўлиб, унинг модели "Н1" экани маълум қилинди.

Н1 роботининг баландлиги тахминан 180 см ва оғирлиги тахминан 70 кг. Бу 2023 йил август ойида «Юшу технология» томонидан чиқарилган биринчи тўлиқ ўлчамли инсонсимон робот.

Н1 мукаммал ҳаракатни бошқариш қобилиятига эга, ўз жойида бурилиш ва тескари айлантириш каби мураккаб маневрларни бажаришга қодир. Ташқи кучлар таъсирида бу робот тезда мувозанатни тиклаб, юришни давом эттира олади. Бу унинг илғор баланслаш алгоритми ва аппарат дизайнининг юқори даражасини акс эттиради.