Германия канцлери Фридрих Мерц ва Хитой раиси Си Цзиньпин Пекин шаҳрида бўлиб ўтган учрашув чоғида Украинада ўт очишни тўхтатиш ва барқарор тинчликка эришиш бўйича саъй-ҳаракатларни қўллаб-қувватлашини билдирди.
Синьхуа агентлиги хабар қилишича, қўшма баёнотда можарони ҳал этиш Организация Объединённых Наций Низоми ва халқаро ҳуқуқ тамойиллари асосида амалга оширилиши кераклиги таъкидланган.
Томонлар глобал ҳамкорликнинг асоси сифатида БМТ Низоми тамойилларини эътироф этишини қайд этди. Шунингдек, улар очиқ мулоқотни қўллаб-қувватлаш, кўп томонлама ёндашувга амал қилиш ва эркин савдо тамойилларини ҳимоя қилишга тайёр эканини билдирди.
Учрашувда иқтисодий ҳамкорлик, иқлим ташаббуслари, “яшил” ўтиш жараёни, шунингдек маданий ва гуманитар алмашинувларни ривожлантириш масалаларига алоҳида эътибор қаратилди.
Германия “ягона Хитой” сиёсатини тасдиқлади. Икки давлат иқтисодий ва технологик масалаларни мулоқот орқали ҳал этиш, узоқ муддатли, мувозанатли ва барқарор муносабатларни ривожлантиришга тайёр эканини билдирди.
Уйига фақат тунда келишни одат қилган қарздорга МИБ "сюрприз" қилди
Трамп: "Менга мамлакатни вайрон қилиш ҳуқуқи берилган”
Ўзбекистонликлар учун Қатарда ишлаш имконияти яратилди
