Хитой ўз космонавтларини Ойга америкалик астронавтлардан тезроқ қўндирмоқчи

NASA администратори Жаред Айзекман CBS телеканалига берган интервьюсида воқеаларнинг бундай ривожини истисно этмади.

"Хитойликлар ўз тайконавтларини Ойга қўндиради. Бунда ҳеч қандай шубҳа йўқ. Савол шундаки, Қўшма Штатлар улардан олдин қайта оладими ва база қуриб, барқарор мавжудликни ўрнатаётганимизда бу сафар ишни бошқача қиламизми", — деди у.

У АҚШ ҳозирда Хитой билан коинот пойгасида эканини ва "хитойликлар мисли кўрилмаган тезликда ҳаракат қилаётганини" таъкидлади. Шу билан бирга, унинг фикрича, NASA астронавтлари барибир Хитой космонавтларидан олдин яна Ойга қадам қўйишга муваффақ бўлишади.