Хитой ҳукумати 2026 йил 1 январдан бошлаб контрацепция дорилари ва воситаларига нисбатан амалда бўлган солиқ имтиёзларини бекор қилди. Натижада, ҳомиладорликка қарши таблеткалар кўпчилик истеъмол товарлари каби 13 фоиз ҚҚС ставкаси билан солиққа тортилади. Reuters’нинг ёзишича, бу имтиёзлар тахминан 30 йил давомида амалда бўлган.
"Шу билан бирга, ҳукумат ота-оналар учун кўрсатиладиган хизматларга қўйилган солиқларни бекор қилмоқда. Бунинг сабаби Хитойда аҳоли сони кетма-кет уч йилдан бери қисқариб бормоқда. Мамлакатда 2024 йилда атиги 9,54 миллион чақалоқ туғилган, бу бир неча йил аввал, “бир оила — бир бола” сиёсати бекор қилинганида қайд этилган 18,8 миллион нафар туғилишнинг ярмига ҳам етмайди", дея ёзмоқда агентлик.
Сўнгги йилларда Хитойда туғилиш даражаси кескин пасайиб, аҳоли қариши тезлашди. Reuters маълумотида аҳоли сони 2024 йилга келиб кетма-кет учинчи йил қисқаргани қайд этилади. Шу вазиятда Пекин турли “туғилишга дўстона” (pronatalist) чораларни ишга соляпти — янги солиқ сиёсати ҳам ўша уринишлардан бири сифатида талқин қилинмоқда. 1993 йилдан бери Хитойда “бир оила — бир бола” сиёсати амал қилгани сабабли контрацептив воситалар барча солиқлардан озод қилинган эди.
Тиббиёт ходимларининг иш ҳақи оширилди
Саида Мирзиёева: Бу фожиа нафақат Ўзбекистонга, балки барча постсовет мамлакатларига хосдир"
Венесуэла мудофаа вазири Владимир Подрино Лопес видеомурожаат йўллади
