АҚШнинг сайланган президенти Доналд Трампнинг дедолларизация саъй-ҳаракатларини амалга ошираётган BRICSга аъзо давлатларга тарифлар жорий қилиш таҳдидидан сўнг, Хитой Қўшма Штатларни глобал молияни беқарорлаштириш ва доллар ҳукмронлигини геосиёсий қурол сифатида қўллашда айблади. Бу ҳақда Newsweek хабар берди.
Хитой Ташқи ишлар вазирлигининг расмий вакили Лин Сзян Доналд Трампнинг BRICSга аъзо барча давлатлар учун 100 фоиз тариф жорий этиш ҳақидаги таҳдидларини изоҳлар экан, расмий Пекин BRICS доирасидаги ҳамкорликни мустаҳкамлашда давом этишини билдирди.
