Хитой ташқи ишлар вазири Ван И 10-13 август кунлари Сингапур, Малайзия ва Камбоджага ташриф буюради.
Бу ҳақда Хитой ташқи ишлар вазирлиги расмий вакили Мао Нин маълум қилди.
“Сингапур ва Малайзия ташқи ишлар вазирлари – Вивиан Балакришнан, Замбри Абдул Қодир, шунингдек, Камбоджа Бош вазири ўринбосари, ташқи ишлар вазири Прак Сокхон, Хитой Коммунистик партияси Марказий Қўмитаси Сиёсий бюроси аъзоси, ТИВ раҳбарининг таклифига биноан Вазир Ван И 10-13 август кунлари ушбу мамлакатларга ташриф буюради”, дейилади хабарда.
Расмий вакилнинг сўзларига кўра, Жануби-Шарқий Осиё давлатлари бундан 10 йил аввал Хитой раҳбари Си Цзиньпин томонидан илгари сурилган “Бир камар – бир йўл” ташаббуси лойиҳаларида фаол иштирок этмоқда. Унинг таъкидлашича, Сингапур, Малайзия ва Камбоджа Хитой билан ҳамкорликни жадал ривожлантираётган муҳим ҳамкорлардир.
