Хитойнинг вакили ҳам Ғазога ёрдам етказиш бўйича АҚШ-Исроил режасини танқид қилди.
БМТ Хавфсизлик Кенгашида сўзга чиққан Фу Конг, Ғазо "ҳақиқий дўзахга айлангани" ва глобал очлик кузатуви тизими (ИПC) ҳудуднинг бутун аҳолиси оғир озиқ-овқат танқислигидан азият чекаётгани ҳақида огоҳлантирганини таъкидлади.
"Исроил халқаро гуманитар ҳуқуқ доирасида босиб олувчи давлат сифатидаги мажбуриятларини бажариб, қамални дарҳол бекор қилиши ва таъминотга тўлиқ йўл очиши шарт," деди у.
Фу АҚШнинг номини тилга олмасдан, "муайян давлат гуманитар ёрдам тарқатиш режаси деб аталувчи таклифни илгари сурган" деди. Унинг айтишича, БМТ ташкилотлари бу режани "бутунлай рад этган".
"Инсонпарварлик ёрдамини қуролга айлантириш мумкин эмас, холислик, мустақиллик ва бетарафлик тамойиллари ҳар доим сақланиши шарт," деди у.
