Хитой Суриянинг суверенитети ва ҳудудий яхлитлигини ҳурмат қилиш зарурлигини таъкидлади. Бу ҳақда Хитой Ташқи ишлар вазирлиги расмий вакили Линь Цзянь брифингда маълум қилди.
Унинг сўзларига кўра, Ближний Шарқдаги вазият янада кескинлашиши мумкин бўлган ҳар қандай ҳаракатлардан воз кечиш лозим.
«Барқарорликни таъминлаш учун тарангликни оширадиган ҳаракатлардан сақланиш керак», — деди Линь Цзянь.
Пекиннинг ушбу баёноти Исроилнинг 16 июль куни Сурия пойтахти Дамашқ ва унинг яқинидаги Қатана ҳудудига қилган авиаҳужумлари ортидан янгради.
Маълумотларга кўра, Сурия жанубидаги Эс-Сувайда вилоятида 13 июлдан бери друзлар ва бедуин қабилалари ўртасида қуролли тўқнашувлар давом этмоқда. Исроил ушбу зиддиятлар фонида друзлар жамоасига сиёсий ва ҳарбий ёрдам кўрсатиш ниятида эканини бир неча бор маълум қилган.
Исроил расмийлари, жумладан Бош вазир Биньямин Нетаньяху ва мудофаа вазири Исраэль Кац, Сурияга нисбатан ҳужумлар янада кучайтирилишини маълум қилган.
Исроил армияси 16 июль куни Дамашқдаги Бош штаб биносига уч марта зарба берганини тасдиқлади. Зарбалар кундузи бино кириш қисмига, кейинроқ эса тўғридан-тўғри бинога йўналтирилган.
Машҳур блогер Абдурозиқ Дубай аэропортида ҳибсга олинди
Ямалнинг туғилган куни "бурнидан булоқ" бўлди
Кутилмаган бурилиш: АҚШ Украинага ҳарбий ёрдам беришни тўхтатиб қўйди
