Хитой Эрон ва Россияга Ғарб санкцияларини четлаб ўтишда ва нефть сотишда ёрдам бермоқда, бироқ буни унинг манфаатларига хавф солмайдиган тарзда қилмоқда, деб ёзади Business Insider Atlantic Council таҳлилий эслатмасига таяниб.
Эрон нефть экспортининг 90% Хитойга тўғри келади. Кичик хусусий Хитой нефтни қайта ишлаш заводлари Эрон энергиясини сотиб олади ва Хитойнинг йирик молиявий институтлари зарар кўрмаслиги учун тўловлар санкцияланган банклар орқали юанда амалга оширилади. Ўз навбатида Эрон ўз нефтини Малайзия ёки Араб деб яширади. Россия ва Хитой ўртасидаги савдода деярли бир хил схема қўлланилади.
Аммо айни пайтда Хитойнинг йирик банклари яқинда Россия билан ҳисоб-китобларни тўхтатиб қўйди. Бу Хитойнинг Ғарб санкциялари таҳдидини жиддий қабул қилаётганини ва Россияга нисбатан қўйилган чекловларни бевосита бузмасликка ҳаракат қилаётганини кўрсатади.
