Хитой банклари Россиядан юандаги тўловларни қабул қилишни тўхтатди — Коммерсант

Хитойнинг молиявий ташкилотлари Ғарбнинг иккиламчи санкцияларидан қўрқиб, жорий йилнинг бошидан Россиядан тўловларни рад эта бошлаган эди.

Россия Федерацияси Савдо-саноат палатаси қошидаги Ишбилармонлар кенгаши бош директори Алексей Егармин Industrial and Commercial Bank of China (ICBC), China Citic Bank, Industrial Bank ва Bank of Taizhou банклари Россия билан битимлар тузиш имкониятини ёпганини маълум қилди. Расмийнинг аниқлик киритишича, саноат товарлари учун тўловларни амалга ошириш мураккаблашган, истеъмол товарлари учун эса тўлов қилиш ҳали ҳам мумкин.