Туркиялик мутахассис Илёс Бозкурт «Haber Global» телеканали студиясида Эрон Президенти Иброҳим Раисийни олиб кетаётган вертолётнинг ҳалокатга учраши билан боғлиқ эътибордан четда қолган жиҳатларга тўхталди.
«Репорт»нинг хабар беришича, биринчи эътиборга молик жиҳат Эрон давлат раҳбарини олиб юриш учун мўлжалланган вертолётнинг ишлаб чиқарилган санасидир. Бошқа томондан, учувчи туманли ҳавода сафарини кечиктиришга мажбур эди.
“Саёҳат режаси олдиндан тайёрланади. Агар об-ҳавода бирон бир ўзгариш бўлса, тегишли идорага хабар қилинади. "Bell 412" вертолётлари 1979 йил учун замонавий, аммо 2024 йил учун жуда эски", деди у.
Мутахассиснинг фикрича, вертолёт ҳеч қандай тўсиқ билан тўқнашмаган: «Вертолёт ерга қулаб тушган. Ва ерга урилгандан кейин у ёниб кета бошлаган. Агар у ракета билан урилганида, бу бутунлай бошқача манзара бўларди».