ХАМАС ўзини сиёсий партияга айлантиришни ўйламоқда

Фаластиннинг ХАМАС ҳаракати бир неча етакчилар томонидан илгари сурилган ўзини сиёсий партияга айлантириш таклифини муҳокама қилмоқда.

Бу ҳақда Asharq al-Awsat газетаси хабар берди.

Уларнинг маълумотларига кўра, ХАМАСнинг бир қанча етакчилари “мавжуд сиёсий кучларга ўхшаш сиёсий партия яратиш” таклифи билан “ўзини сиёсий, иқтисодий ва ижтимоий соҳаларда иштирок этишга қодир бўлган ташкилот сифатида кўрсатувчи” ҳужжат тақдим этган.

Манбаларнинг қайд этишича, ҳужжат ҳаракатнинг сиёсий бюроси, шўро кенгаши (маслаҳат органи), олий раҳбарият кенгаши ва ҲАМАСнинг бошқа мавжуд тузилмаларига юборилган.

Ҳужжат, шунингдек, “Фаластинни ҳар томонлама яраштириш”га чақиради ва Фаластин Озодлик Ташкилотига қўшилиш ва унинг ислоҳот ҳаракатларида иштирок этишни таклиф қилади.

Бир қатор ХАМАС етакчилари томонидан илгари сурилган таклиф сиёсий ҳаракатларга босқичма-босқич ўтиш ва фаластинликларга “Ғазо уруши тугаганидан кейин минтақада юзага келган янги воқелик натижасида юзага келган ўзгаришлар нуқтаи назаридан ўзларининг асосий тамойилларига амал қилишларига” имкон беришни мақсад қилган.