Фаластиннинг ХАМАС ҳаракати Ғазо секторида ўт очишни тўхтатиш ва у ерда сақланаётган барча гаровга олинганларни озод қилиш бўйича музокараларга зудлик билан қайтишга тайёрлигини маълум қилди.
Тегишли баёнот ҳаракатнинг Telegram-каналида эълон қилинди.
"ХАМАС зудлик билан музокаралар столига ўтириб, урушни тўхтатиш, Исроил ҳарбийларини Ғазодан олиб чиқиб кетиш ва у ерда зудлик билан иш бошлайдиган мустақил Фаластин ҳукуматини тузиш эвазига барча гаровга олинганларни озод этиш масаласини муҳокама қилишга тайёр", — дейилади баёнотда.
Ҳаракат раҳбарияти, шунингдек, Вашингтон воситачилар орқали Ғазода ўт очишни тўхтатиш бўйича келишувга оид қарашларини етказганини тасдиқлади ва ХАМАС анклавдаги "тажовузни тўхтатишга қаратилган ҳар қандай ташаббусларни олқишлашини" таъкидлади.
Радикаллар, шунингдек, "Исроилнинг келажакдаги келишув бўйича ўз мажбуриятларини бажаришига кафолат беришни" талаб қилди ва "воситачилар билан доимий алоқада бўлиб, улар билан Ғазо бўйича кенг қамровли келишувни ишлаб чиқиш учун ишлаётганликларини" таъкидлади.
Аввалроқ, 7 сентябрь куни АҚШ президенти Дональд Трамп ҲАМАСдан Ғазо секторидаги можарони тартибга солиш бўйича унинг шартларини қабул қилишни талаб қилган ва бу "охирги огоҳлантириш" эканлигини таъкидлаган эди.
