Фаластиннинг ҲАМАС ҳаракати Фаластин Озодлик Ташкилоти бошчилигидаги ва бутун мамлакат бўйлаб сайловларни ўз ичига оладиган сиёсий жараёнда иштирок этишга тайёр.
Бу ҳақда ҳаракат бошқарув кенгаши раҳбари Муҳаммад Дарвишнинг ҳаракатнинг "Телеграм"даги расмий каналида Араб давлатлари лигасига аъзо мамлакатларга йўллаган мурожаатида айтилган.
"Ҳамас бутун фаластинликларнинг манфаатларини ифодалаши, мамлакат бўйлаб турли даражадаги умумий сайловлар ўтказиш, демократик ҳаётни тиклаш ва халқимизга ўз раҳбариятини танлаш имкониятини бериш учун кенг қамровли шериклик асосида "Фаластин уйи"ни, хусусан, ФЛОни якуний шакллантириш истагини яна бир бор тасдиқлади”, — дейилади матнда.
4 март куни Мисрда бўлиб ўтадиган Фаластин бўйича Араб Лигасининг фавқулодда саммитида иштирок этадиган араб етакчиларига йўллаган мактубида ХАМАС вакили Ғазо секторининг келажакдаги бошқаруви учун фаластинликлар рози бўлган ҳар қандай вариантни кўриб чиқишга тўлиқ тайёрлигини билдирди. Шу билан бирга, у ҳаракатнинг "фаластинга тегишли бўлмаган ҳар қандай лойиҳа ва маъмурий шаклларни ёки анклав ҳудудида ҳар қандай хорижий ҳарбий мавжудликни ўрнатишга уринишларни" "қатъий рад этишини" таъкидлади.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
