Халқаро наркотармоқнинг Ўзбекистондаги фаолиятига чек қўйилди

🔴 Ички ишлар вазирлиги, Давлат хавфсизлик хизмати ва Божхона қўмитаси ҳамда хорижий ҳуқуқни муҳофаза қилувчи органлар ҳамкорлигида ўтказилган тезкор тадбирлар натижасида трансмиллий жиноий уюшманинг Ўзбекистондаги фаолияти фош этилди.

Жами 14 нафар шахс қўлга олиниб, улардан 2 килограмм 500 грамм, яъни 71 433 та бир марталик дозага тенг «альфа-PVP» синтетик гиёҳвандлик воситаси мусодара қилинди.

🔴 Аниқланишича, қўлга олинганлар интернет-наркодўконлар орқали фаолият юритган 7 нафар «омборчи» ва уларга ишлаган 6 нафар «закладчик», шунингдек, жиноий уюшма етакчиларидан бири бўлган.

Мазкур ҳолат юзасидан Ўзбекистон Республикаси Жиноят кодексининг 273-моддаси 6-қисми билан жиноят иши қўзғатилган. Барча гумонланувчиларга нисбатан қамоққа олиш эҳтиёт чораси қўлланган.