Халқаро фуқаро авиацияси ташкилоти (ICAO) Кенгаши 2014 йил июль ойида Донбасс осмонида Украина устида қулаган Malaysia Airlines'га тегишли Boeing самолёти — MH17 рейсининг ҳалокати учун Россияни расман жавобгар деб топди. Бу ҳақда Нидерландия Ташқи ишлар вазирлиги маълум қилди. Ҳалокат натижасида 298 киши ҳалок бўлган.
ICAO Кенгаши Россияни халқаро фуқаролик авиацияси тўғрисидаги Чикаго конвенциясини бузганликда айблади. Россия томонидан товон пули тўлаш масаласи ICAO Кенгаши томонидан кейинроқ кўриб чиқилади.
💬 «ICAO Кенгашининг бугунги қарори — Россия Федерациясини жавобгарликка тортиш йўлида яна бир муҳим қадамдир», — деди Украина элчиси Юлия Ковалив, у шунингдек ICAOдаги Украина вакили ҳисобланади.
Boeing самолёти ҳалокати бўйича халқаро тергов гуруҳи MH17 рейси Россияга тегишли «Бук» зенит-ракетаси тизимидан отилган ракета билан уриб туширилганини аниқлаган.
2022 йилда Гаага шаҳар суди ўзини ДНР деб эълон қилган ташкилотнинг собиқ мудофаа вазири Игорь Стрелков ва яна икки кишини самолёт ҳалокатида айбдор деб топиб, уларни сыртдан умрбод қамоқ жазосига ҳукм қилган.
Россия бу иш бўйича ўз позициясини бир неча марта ўзгартирган ва 2022 йилда Украинага қарши кенг кўламли урушни бошлаганидан сўнг, 2022 йил 15 мартдан кейин қабул қилинган Европа суди қарорларини бажармаслик ҳақида қонун қабул қилган.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
“Ота-онам мен билан гаплашмайди…” Блогер Марям Тиллаева шахсий ҳаёти ҳақида интервью берди
