Хакерлар UzAuto Motors сайтига ҳужум уюштирди

UzAuto Motors компаниясининг расмий веб-сайтига хакерлик ҳужуми уюштирилди. Бу ҳақда компания матбуот хизмати хабар қилмоқда.

Қайд этилишича, мазкур ҳужум сабабли сайтининг бош саҳифасида носозлик юзага келган.

“Компания мутахассислари томонидан амалга оширилган тезкор саъй-ҳаракатлари натижасида қисқа фурсатларда расмий веб-сайт ўз фаолиятини тиклади”, - дейилган хабарда.

Хабарда ҳозирда сайт аввалгидай ўз фаолиятини давом эттираётгани қўшимча қилинган.