Россия президенти Владимир Путин атрофида сўнгги ҳафталарда мисли кўрилмаган хавфсизлик чораларининг жорий этилгани айтилмоқда. Бу ҳақда Европадаги разведка тузилмаларидан бирига тегишли ҳисоботга таяниб, Important Stories нашри хабар берди.
Ҳисоботга кўра, Кремль 2026 йил март ойидан буён “юқори огоҳлантириш” ҳолатида. Унда президентга қарши эҳтимолий суиқасд ёки давлат тўнтариши хавфи ҳақида умумий огоҳлантиришлар келтирилган, бироқ бу таҳдид айнан кимдан келаётгани очиқланмаган.
Шу билан бирга, ҳужжатда дронлар орқали уюштирилиши мумкин бўлган ҳужум эҳтимоли алоҳида қайд этилган.
Россия Хавфсизлик кенгаши котиби Сергей Шойгу эса “потенциал беқарорлаштирувчи шахс” сифатида тилга олинган.
Жорий этилган қаттиқ хавфсизлик чораларига кўра, Путинга яқин ходимларга мобил телефонлардан фойдаланиш тақиқланган, жамоат транспортидан фойдаланиш чекланган. Шунингдек, ходимлар ҳамда хизмат кўрсатувчи шахслар устидан кузатув кучайтирилган. Путин ва унинг оиласи эса айрим қароргоҳларга ташриф буюришни тўхтатган.
Бундан ташқари, хавфсизлик идоралари ичида ҳам ички назорат кучайтирилгани айтилади. Айрим манбаларга кўра, кузатув ресурслари ҳатто давлат тузилмаларининг ўзига йўналтирилган.
Украинадаги уруш ва иқтисодий босимлар фонида россияликларнинг кайфияти ҳам ўзгармоқда. Ижтимоий тармоқларда интернет чекловлари ва нархлар ошишига нисбатан танқидлар кескин кучайган.
Нашр раҳбари Роман Анин бу вазиятни “Россия сиёсий тизимидаги жиддий ўзгаришлар белгиси” сифатида баҳолаган.
Ҳимолайда 2021 йилда йўқолган россиялик талаба йилдан кейин Непалдаги баланд тоғли буддавий монастирда топилди
Ўзбекистонликлар май ойида 14 кун дам олади
Серхио Агуэро: «Абдуқодир Ҳусанов шу даражани 3-4 йил сақлаб қолса, дунёнинг энг яхши ҳимоячиларидан бирига айланиши мумкин»
