Оқ уй матбуот котиби Кэролайн Ливиттнинг маълум қилишича, Тhe Wall Street Journal (WSJ) нашри журналистлари бу ҳафта охирида бўлиб ўтадиган Трампнинг Шотландияга ташрифи чоғида Аir Force One бортида бўлмайди.
"Президентнинг Шотландияга сафарини ёритиш учун 13 та турли оммавий ахборот воситалари вакиллари пресс-пулга киритилган. Тhe Wall Street Journal томонидан тарқатилган ёлғон ва туҳматли материаллар туфайли улар бу қаторга киритилмади", — дея Ливиттнинг сўзларини келтиради Politico.
Аввалроқ Трамп WSJ, унинг эгаси Руперт Мердок ва News Corporation холдингини судга берган эди. Бунга WSJ'да чоп этилган вояга етмаганларга нисбатан зўравонликда айбланган Жеффри Эпштейн ҳақидаги мақола сабаб бўлганди.
Мазкур мақолада ёзилишича, Трамп 2003 йилда Эпштейннинг 50 йиллик юбилейи муносабати билан унга табрик юборган, бу табрик яланғоч аёл танаси тасвири устида ёзилган бўлган. Трамп эса бу хатни ёзмаганини, уни сохталаштирилган деб ҳисоблашини айтиб, 10 миллиард доллар миқдорида компенсация талаб қилган.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
