АҚШ Исроилнинг Ғазо секторидаги қочқинлар билан тўлган Рафаҳ шаҳрига қуруқликдан ҳужум қилишни режалаштираётганидан хавотирда бўлишига қарамай, Вашингтон ўз иттифоқчисини миллиардлаб долларлик қурол-яроғ билан таъминлашда давом этмоқда.
Washington Post газетасининг Пентагон ва АҚШ Давлат департаментининг номи ошкор этилмаган расмийларига таяниб ёзишича, АҚШ президенти Жо Байден маъмурияти сўнгги кунларда Исроилга бомба ва қирувчи самолётлар етказиб берилишини яширинча тасдиқлаган.
