Wall Street Journal нашри Трампнинг Шотландия сафарига тузилган рўйхатдан чиқариб юборилди

АҚШ маъмурияти Wall Street Journal (WSJ) журналистларини Шотландия сафари учун тузилган президент матбуот рўйхатидан чиқариб ташлади.

Бу маълумотни Politico нашрига Оқ уй матбуот котиби Керолин Левитт етказди.

"Wall Street Journal нашрининг ёлғон ва туҳматли ҳаракатлари туфайли улар президент самолёти бортида бўладиган 13 та ОАВ орасида бўлмайди", — дейилади нашр унинг ёзма баёнотида.

АҚШ президенти Дональд Трампнинг Шотландияга сафари 25-29 июль кунларига мўлжалланган.