Вучич Сербияда тинчлик ўрнатиш учун қатъий чоралар кўришга ваъда берди

Сербия президенти Александр Вучич фуқароларга ҳукумат томонидан 3-4 кун ичида Сербиядаги норозилик намойишлари бўйича мамлакатда тинчлик ва тартиб ўрнатиш учун қатъий чоралар кўришга ваъда берди. Бу ҳақда "РИА Новости" хабар бермоқда.

"Яқин 3-4 кун ичида баъзан кутилмаган қарорларимизни кўрасиз. Бу даврдан кейин жуда ҳал қилувчи ҳаракатларни кўрасиз", - дея таъкидлади у.

Сиёсатчига кўра, Сербия фуқаролари давлат "четга чекинди" деб ўйлашлари мумкин, аммо Белград бор қатъиятини ишга солмоқчи. Вучич мамлакат барча ташқи босимларга қарши туришини таъкидлади.

Аввалроқ Вучич ҳукумат норозилик намойишлари фонида фавқулодда ҳолат жорий этиш масаласини кўриб чиқмаётганини айтганди.